Qazaqstandyq 2 dzıýdoshy halyqaralyq jarystyń qola júldegeri atandy
ASTANA. QazAqparat - BAÁ Abý Dabı qalasynda ótip jatqan álemdik Grand Slam jarysynda 48 kg salmaqta dzıýdoshy Ábıba Abýjaqynova men 66 kg salmaqta Eset Qýanov qola medal aldy. Bul týraly QazAqparat Ulttyq olımpıada komıtetine silteme jasap habarlaıdy.
Ábıba osymen bıylǵy ekinshi Grand Slamde medal aldy. Maýsym aıynda Ulaanbaatar Grand Slamde qola medal alǵan bolatyn. Ábıba qyzdar arasynda Grand Slam jarysynda 2 medal alǵan alǵashqy qazaq qyzy.
Ábıba jýyrdaTashkent qalasynda dzıýdodan ótip jatqan álem chempıonatynda qola júldeger atandy.
Sondaı-aq dál osy jarysta taǵy bir qazaqstandyq 66 kg salmaqta Eset Qýanov qola medal aldy.
Foto: olympic.kz
