Qazaqstandyq 18 jastaǵy tennısshi álemdik reıtıngte 36 saty joǵary kóterildi
Qazaqstannyń kóshbasshy tennısshisi Elena Rybakına 4-orynǵa turaqtasa, ıÝlııa Pýtıntseva 79-dan 78-ge kóterildi.
18 jastaǵy Arýjan Saǵyndyqova reıtıngte kúrt joǵarylap keledi. Ol bul joly 871-den birden 36 satyny attap ótip, 835-ke shyqty.
Álemdik reıtıngte burynǵysha Polsha ókili Iga Shventek kósh bastasa, belorýssııalyq Arına Sobolenko men amerıkalyq Djessıka Pegýla úzdik úshtikte qaldy.
Juptyq synda chehııalyqtar Katerjına Sınıakova men Barbora Kreıchıkova jáne aýstralııalyq Storm Hanter toptyń aldyn bermeı tur.
Qazaqstandyq Anna Danılına 28-den 29-ǵa tómendese, E.Rybakına 111-den 110-ǵa, Jibek Qulambaeva 178-den 176-ǵa aýysty.
Kásibı tennısshiler qaýymdastyǵy (ATP) reıtıngisinde pálendeı ózgeris joq.
Ispanııalyq Karlos Alkaras, serbııalyq Novak Djokovıch jáne reseılik Danııl Medvedev bastapqy úshtikte bolsa, Qazaqstannyń birinshi raketkasy Aleksandr Býblık 27-ornynda qaldy. Tımofeı Skatov 128-den 129-ǵa tústi. Mıhaıl Kýkýshkın 243-ten 242-ge kóterilse, Beıbit Juqaev 260-tan 263-ke, Denıs Evseev 270-ten 271-ge, Dmıtrıı Popko 380-nen 381-ge, Grıgorıı Lomakın 1057-den 1060-qa syrǵydy.
Juptyq synda Aleksandr Nedovesov 45-inshi, Andreı Golýbev 73-ornynan jyljyǵan joq.
Eske sala keteıik, budan buryn qazaqstandyq tennısshiniń Taılandtaǵy týrnırdiń chempıony atanǵanyn jazǵan bolatynbyz.
