Qazaqstandyq 16 ýnıversıtet Times Higher Education reıtıngisine kiredi
Halyqaralyq forýmdy ashqan Premer-Mınıstr Álıhan Smaıylov qazirgi ýaqytta óńirlik birinshi synypty ýnıversıtetterdi qaıta qurýǵa baǵyttalǵan birneshe bastamanyń júzege asyrylyp jatqanyn atap ótti.
«Akademııalyq sheberlik ortalyqtary» jobasy oqý jáne zertteý zerthanalaryn qurý jáne jabdyqtaý arqyly aımaqtyq ýnıversıtetterde zertteý ekojúıesin qurýǵa baǵyttalǵan. Atalǵan ortalyqtar akademııalyq jáne ǵylymı damýǵa yqpal etedi. Osylaısha otandyq akademııalyq standarttardy halyqaralyq deńgeıge kóteredi. Qazaqstandyq ýnıversıtetter sońǵy ýaqytta halyqaralyq reıtıngterde aıtarlyqtaı progreske qol jetkizgeni qýantady. Bizdiń 16 ýnıversıtet Times Higher Education reıtıngisine kiredi», - dedi Álıhan Smaıylov forýmda.
Sondaı-aq, Úkimet basshysy Nazarbaev ýnıversıtetiniń ozyq tájirıbesi jarqyn úlgige aınalǵany týraly aıtty.
Onyń aıtýynsha, atalǵan JOO qurylǵan sátten bastap bilim berýdi, ınnovatsııany jáne ǵylymı-zertteý qyzmetin biriktiretin zamanaýı zertteý ýnıversıtetiniń tabysty modeline aınaldy.
«Ol merıtokratııa men akademııalyq adaldyq prıntsıpterine negizdelgen. Sonymen qatar, Nazarbaev ýnıversıteti Qazaqstannyń joǵary biliminde jetekshi ról atqarady. Nebári 13 jyl ishinde ýnıversıtet talantty stýdentter, oqytýshylar, zertteýshiler, ınnovatorlar men kásibı qyzmetkerler úshin shamshyraqqa aınaldy. Kelesi aıda ýnıversıtet óziniń 9-y túlekterin usharady. Bul deginimiz Qazaqstannyń odan ári damýynda jańa belesterdi baǵyndyrýǵa daıyn 15 myń bolashaq kóshbasshysy. 2018 jyly «Bilim týraly» QR zańyna basqa da otandyq ýnıversıtetterdiń basqarýshylyq akademııalyq avtonomııasyn keńeıtýge baǵyttalǵan túzetýler engizildi. Bul ózgeris Nazarbaev ýnıversıtetiniń yntymaqtastyǵyn odan ári nyǵaıtýǵa jáne barlyq joǵary bilim berý júıesimen tájirıbe almasýǵa yqpal etti», - dep tolyqtyrdy Premer-Mınıstr.
