Qazaqstandyq 15 jasar sportshy djıý-djıtsýdan álem chempıony atandy

AQTAÝ. QazAqparat - Abý-Dabıde djıý-djıtsýdan ótken álem chempıonatynda Mańǵystaý oblysy Túpqaraǵan aýdanyndaǵy Taýshyq aýylynyń týmasy Birjan Qabıdolla chempıon atandy, dep habarlaıdy QazAqparat tilshisi.

Álem chempıonatynda 65 memleketten kelgen 1500 sportshy baq synaǵan. 15 jastaǵy Birjan Qabıdolla 42 keli salmaqta synǵa tústi.

«Birjan Qabıdolla alǵashqy kezdesýlerinde Italııa jáne Rýmynııa eliniń sportshylarynan basym tústi. Al fınalda Germanııa eliniń sportshysyn jeńdi. Birjan ótken jyly osy nemis sportshymen kezdesýinde aqtyq synda ese jiberip «kúmis» alsa, bıyl daıyndyqty shyńdap altynnan alqa taqty», deıdi bapkeri Azamat Abaev.

Chempıonatqa Mańǵystaýdan 10 sportshy barǵan.

29 qazan kúni bastalǵan jarys 8 qarashaǵa deıin jalǵasady.