Qazaqstandyq 124 oqýshy Qytaıdaǵy jazǵy lagerde qytaı mádenıetimen tanysady
Qazaqstandyq oqýshylar kórnekti jerlerdi aralap, qytaı mádenıetimen tanysady.
«Búgin memleketterimizdiń halyqtary dostyq shejiremizdiń jańa paraqtaryn jazýda. Qytaılyqtar jas kezińde jat jerde bolsań, ol uzaq jyldar boıy jadyńda saqtalady deıdi. Eger, jas kezińde dostyq qarym-qatynas ornatsań, ol ómir boıyna jalǵasady», - dedi kezdesý sharasynda QHR Bilim mınıstriniń orynbasary Tıan Sıýetszıýn.
Tıan Sıýetszıýn qazirgi ýaqytta Qytaıda shamamen 14 myń qazaqstandyq stýdent bilim alyp jatqandyǵyn aıta ketti.
Olardyń 1 100-i qytaı memlekettik granty negizinde bilim alýda. 2017 jyldyń maýsym aıynda QHR Tóraǵasy Sı Tszınpın Qazaqstanǵa resmı sapary barysynda bes jyl ishinde Qytaı tarapy QR stýdentteri úshin granttar sanyn taǵy 200 adamǵa arttyratyndyǵyn málimdedi.
Jazǵy lager - Shanhaı yntymaqtastyq uıymy aıasyndaǵy bilim salasynyń mańyzdy sharasy. Qytaı bilim mınıstrligi 2014 jyldan bastap bes jyl ishinde ShYU-yna múshe-elderdiń oqýshylaryn jazǵy lagerge shaqyrýdy josparlap otyr. Osy ýaqytqa deıin Qytaıǵa Tájikstan, Reseı, Qyrǵyzstan ederiniń árqaısysynan 200 oqýshy kelgen.