Qazaqstandyq 100 otbasynda balalar quqyqtarynyń buzylýy anyqtaldy - Bas prokýratýra

ASTANA. QazAqparat - Prokýratýranyń jasóspirimder arasynda qylmystylyqtyń aldyn alý boıynsha utqyr toptary balalardyń baqylaýsyzdyǵy, sondaı-aq balalardy zorlaý jáne olarǵa qatygezdikpen qaraýdyń aldyn alý boıynsha jumys júrgizýde.

Ótkizilgen reıdterdiń barysynda balalary áleýmettik qaýipti jaǵdaıda bolyp, ókiletti organdardyń tıisti jumysymen qamtylmaǵan 100-den astam nashar turatyn otbasy anyqtaldy, dep habarlaıdy QR Bas prokýratýrasynyń baspasóz qyzmetinen.

Balalarǵa qajetti kómek kórsetildi. Máselen, Ońtústik Qazaqstan aýdanyndaǵy Qarataý aýdanynyń prokýratýrasy týystarynyń qolynda bolǵan qyz balany anyqtady. Áńgimelesý barysynda ol ógeı ákesiniń ózine qatygezdikpen qaraýy sebebimen úıine oralýǵa qorqatynyn aıtty. Qazirgi kezde bala Kámelettik jasqa tolmaǵandardyń beıimdeý ortalyǵyna ornalastyryldy, onyń ógeı ákesine qatysty is sot aldyndaǵy tergeýdiń biryńǵaı tiziliminde tirkelip, sot aldyndaǵy tergeýdi ótkizý úshin ishki ister organdaryna jiberildi.

Reıd barysynda Almaty qalasyndaǵy Alataý aýdandyq prokýratýrasynyń utqyr toby mektepke aýyr materıaldyq jaǵdaıyna baılanysty barmaı júrgen kámelettik jasqa jetpegen eki balany (2008, 2009 jylǵy) anyqtady.

Atalǵan fakti boıynsha aýdan prokýratýrasy balalardy Almaty qalasynyń №151 jalpy bilim beretin mektebine ornalastyrý boıynsha sharalar qabyldady.

Atalǵan baǵyttaǵy jumystar jalǵastyrylýda.