Qazaqstandyq 10 boksshy Azııa chempıonatynda júldeger atanyp úlgerdi

ASTANA. QazAqparat - Bokstan 22 jasqa deıingi jastar arasyndaǵy Azııa chempıonatynda qazaqstandyq 10 sportshy júldege qol jetkizip úlgerdi, dep habarlaıdy QazAqparat tilshisi.

Aıta ketsek, qurlyqtyq doda Taıland astanasy Bangkok qalasynda ótkiziledi.

Erler arasynda Serik Abzal (67 keli), Erhat Bekzat (92 keli) jáne Amanat Sabyrǵalı (92 keliden joǵary), áıelderde Ánel Saqysh (54 keli), Shahnaz Isaeva (60 keli), Nazerke Serik (63 keli), Aqnar Işanova (66 keli), Jasmın Qızatova (70 keli), Dana Dıdaı (75 keli) jáne Gúlsaıa Erjan (81 keli) alǵashqy jekpe-jegin jartylaı fınalda bastaıdy.

Olar qarsylastaryna ese jibergen jaǵdaıdyń ózinde kem degende qola júldege qol sozady.

Eske salsaq, budan buryn qurlyqtyq dodada qazaqstandyq qyzdardyń qarsylastary anyqtaldy.

Azııa chempıonaty 27 qańtarǵa deıin sozylady.

Ashyq kózderden alynǵan foto