Qazaqstandy jyl basynda shokolad pen odan jasalǵan ónimder óndirisi 26%-ǵa tómendedi

NUR-SULTAN. QazAqparat – 2021 jyldyń qańtarynda Qazaqstanda 5,5 myń tonna shokolad jáne shokolad pen qanttan jasalǵan kondıterlik ónim ázirlendi – bul aldyńǵy jylmen salystyrǵanda 26,6%-ǵa tómen, dep habarlaıdy QazAqparat Energyprom.kz monıtorıng agenttigine silteme jasap.

Óńirler úlesinde óndiristiń 94,1%-y úsh óńirge - Almaty (3 myń tonna, 24,4%-ǵa tómen), Almaty oblysy (1,1 myń tonna, 0,5%-ǵa tómen) jáne Qostanaı oblysyna (1,1 myń tonna, 47%-ǵa tómen tıesili. Bul óńirlerde LOTTE Confectionery AQ «Rahat», AQ «Baıan sulý», túrik lker kompanııasynyń enshilesi Group JShS «Hamle» jáne t.b. jumys isteıdi.

2020 jyly kompanııalar 100,5 myń tonna shokolad jáne qant pen shokoladtan jasalǵan kondıterlik ónimder óndirgen – kórsetkish 2019 jylmen salystyrǵanda 2,9%-ǵa ǵana ósken. Jergilikti kompanııalar suranystyń (ishki naryqtaǵy júzege asyrý men eksport) tek 49,9% ótegen.

Sáıkesinshe 50,6% ımport úlesine tıesili. Elge 103,1 tonna kondıterlik ónim jetkizildi, kórsetkish bir jylda 1,2%-ǵa tómendegen. Eksport 7,4%-ǵa ósip, 30,7 myń tonnaǵa jetti.

Qazaqstannyń ishki naryǵynda 163,9 myń tonna shokolad óndirildi – bul aldyńǵy jylǵy kórsetkishten 0,7%-ǵa tómen. Bul kezeńde eldiń árbir turǵyny 8,7 kg (aıyna 724 gramm) shokolad pen odan jasalǵan kondıterlik ónim tutyndy.

2020 jyldyń qańtar-jeltoqsan aralyǵynda elge 71,1 mln AQSh dollardyń kakao qosyndysy joq 39,2 myń tonna qanttan jasalǵan kondıterlik ónimder ákelingen. Tabıǵı túrdegi ósim 9,5%-dy, aqshalaı túrde 0,1%-dy qurady. Importtyń basym bóligi (87,7%) TMD elderine tıesili. Olardyń ishinde basty tasymaldaýshylar – Reseı, Ýkraına jáne Ózbekstan. Álemniń ózge elderi úlesine 12,3% keldi.

Elge 173,3 mln AQSh dollaryna 62,7 myń tonna shokolad jáne ózge de kakao qosyndysy joq daıyn azyq ónimder ákelindi. Importtyń qysqarýy tabıǵı túrde 8,1%-dy, aqshalaı túrde 5,4%-dy kórsetti. Munda da ımporttyń basym bóligi (89,6%) TMD elderine kelgen.

Bıylǵy qańtarda Qazaqstanda kondıterlik ónimder aldyńǵy jylmen salystyrǵanda 7,8%-ǵa qymbattady. Karamel 6,2%-ǵa, shokolad jalatylǵan kámpıtter 8,2%-ǵa, shokolad 8,1%-ǵa qymbattaǵan.

Aqpan aıynda shokolad jalatylmaǵan kámpıt túrleri qalalardyń dúkenderi men bazarlarynda 1,2 myń teńge turdy – aldyńǵy jylmen salystyrǵanda 7%-ǵa qymbat. Elimizdiń iri qalalary men megapolısteri ishinde qymbat kámpıtter Aqtaý (1,4 myń teńge) men Aqtóbede (1,1 myń teńge).