Qazaqstandy perspektıvaly munaı-gaz alańdaryn ıgerýge shaqyrdyq – Emomalı Rahmon
«Búgin bizdiń strategııalyq seriktestigimizge odaqtastyq ózara is-qımyl sıpatyn berý týraly sheshimder qabyldandy.
Biz ken óndirý men metallýrgııa salasyn, jeńil jáne tamaq ónerkásibin, mashına jasaý men farmatsevtıka salalasyn basym baǵyt dep belgiledik. Biz Qazaqstan tarapyn perspektıvaly munaı-gaz alańdaryn ıgerýge shaqyrdyq. Sondaı-aq, tsıfrlandyrý jáne jasandy zeıin, bank isi men qarjy naryqtaryn damytý baǵytyndaǵy yntymaqtastyq eki jaqqa da tıimdi dep sanaımyz», - dedi Tájikstan basshysy.
Sondaı-aq, Emomalı Rahmon tájik tarapy eki eldiń ǵylymı mekemeleri men joǵary oqý oryndary arasyndaǵy mádenı baılanysty odan ári keńeıtýge múddeli ekenin atady.
«Bilim berý salasyndaǵy yntymaqtastyqty keńeıtý týraly buryn qol jetkizilgen ýaǵdalastyqtardyń, atap aıtqanda ózara negizde bilim berý kvotalaryn ulǵaıtý sharalary iske asqanyn aıtqym keledi», - dedi Tájikstan Prezıdenti.
Aıta keteıik, keshe Prezıdent Qasym-Jomart Toqaev Qazaqstanǵa memlekettik saparmen kelgen Tájikstan Prezıdenti Emomalı Rahmondy elorda áýejaıynda qarsy alǵan bolatyn.
Búgin Tájikstan Prezıdenti Emomalı Rahmonov Memleket basshysy Qasym-Jomart Toqaevpen Aqordada ótken keńeıtilgen quramdaǵy kelissóz kezinde bıyl Qazaqstan Tájikstannyń negizgi saýda seriktesine aınalýy múmkin ekenin aıtty.
