Qazaqstandy kólemdi antıtsıklon jabady - 30 qańtarǵa arnalǵan aýa raıy
ASTANA. 29 qańtar. QazAqparat - Kólemdi antıtsıklon Qazaqstan aýmaǵynyń kóptegen bóligine yqpal etedi, sondyqtan 30 qańtar kúni aıazdy kún raıy saqtalady, dep habarlaıdy Qazgıdrometke silteme jasaǵan TJM-niń baspasóz qyzmetinen.
Respýblıkanyń ońtústik, soltústik bólikteri atmosferalyq aǵyndar aımaǵyna jatady, olarmen birge jaýyn-shashyn (kóbinese qar), ekpindi jel, burqasyn, tuman, kóktaıǵaq kútiledi.
Jambyl, Qyzylorda oblystarynyń keıbir jerlerinde tuman, kóktaıǵaq, jeldiń 15-20 m/s-qa deıin kóterilýi yqtımal.
Almaty oblysynyń keıbir jerlerinde tuman, kóktaıǵaq, Alakól kólderiniń aýdanynda - jeldiń 15-20 m/s-qa deıin jyldamdyqpen soǵýy kútiledi.
Ońtústik Qazaqstan oblysynyń keıbir jerlerinde tuman túsýi yqtımal, kúndiz jel 15-20 m/s-qa deıin kúsheıe túsedi.
Mańǵystaý oblysynyń keıbir jerlerinde kóktaıǵaq, jeldiń 15-20 m/s deıin kóterilýi múmkin.
Atyraý oblysynyń keıbir jerlerinde tuman túsip, kóktaıǵaq bolady, jeldiń 15-20 m/s-qa deıin jyldamdyqpen soǵýy, kúndiz keıbir jerlerde burqasyndy jeldiń kóterilýi yqtımal.
Soltústik Qazaqstan oblysynyń keıbir jerlerinde túnde burqasyndy jeldiń jyldamdyǵy 15-20 m/s deıin jetedi.
Aqtóbe oblysynyń keıbir jerlerinde 18 m/s jyldamdyqpen soǵatyn jel bolady.
Qostanaı oblysynda túnde jáne tańerteń keıbir jerlerde tuman túsýi kútiledi.
Jaqyn táýlikterde Ońtústik Qazaqstan oblysyndaǵy tómengi taýly ózenderde sý deńgeıiniń kóterilýi múmkin. Jambyl, Almaty jáne Shyǵys Qazaqstan oblystarynyń ózenderinde sý deńgeıleriniń aýytqýlary baıqalady. Qazaqstannyń qalǵan sý nysandarynda gıdrologııalyq rejımde eleýli ózgerister bolmaıdy.
