Qazaqstandy gazdandyrýdyń bas syzbasy Úkimette tanystyryldy

ASTANA. QazAqparat - Qazaqstandy gazdandyrýdyń bas syzbasy Úkimette tanystyryldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Energetıka birinshi vıtse-mınıstri Uzaqbaı Qarabalın málim etti.

«Bul - gazben jabdyqtaýdyń ekonomıkalyq negizdelgen strategııalyq baǵytyn aıqyndaıtyn baǵdarlamalyq qujat. Syzba Qazaqstan Respýblıkasy aımaqtaryn uıymdastyrýdyń bas syzbasymen baılanystyryla otyryp ázirlendi jáne onyń quramdas bóligi sanalady», - dedi U.Qarabalın.

Onyń atap ótýinshe, qazirgi ýaqytta elimizdiń 16 óńiriniń 10-y gazdandyrylǵan. Onyń ishinde respýblıkanyń barlyq batys jáne ońtústik oblystary men Almaty qalasy bar.

«Gazdandyrý deńgeıi Almaty oblysynda 19 paıyzdan Mańǵystaý oblysynda 99 paıyzǵa deıin aýytqyp tur», - dedi birinshi vıtse-mınıstri.