Qazaqstandy elder arasyndaǵy kelispeýshilikter kezinde bitimger bolýǵa shaqyrady - Elbasy

NUR-SULTAN. QazAqparat – Qazaqstan halqy Assambleıasynyń XXIX sessııasynda QR Tuńǵysh Prezıdenti-Elbasy, QHA Tóraǵasy Nursultan Nazarbaev álem elderiniń Qazaqstanǵa qatysty senimi týraly pikir bildirdi, dep habarlaıdy QazAqparat tilshisi.

«Bizdi ıadrolyq qarýǵa qarsy kúreste kóshbasshy el dep sanaıdy. Atap aıtqanda, basqa eldermen birlese otyryp ıntegratsııalyq jobalarǵa bastamashylyq etip, júzege asyrdyq. ıAǵnı EAEO, AÓSShK, Túrkitildes memleketterdiń yntymaqtastyq keńesi, Álemdik jáne dástúrli dinder kóshbasshylarynyń sezi sekildi jobalar qamtyldy. Bul birlestikter meniń qatysýymmen ári usynystarym arqyly quryldy. Osy oraıda maǵan qoldaý bildirgen áriptesterime alǵysymdy bildiremin», - dedi Elbasy.

N. Nazarbaevtyń aıtýynsha, atalǵan jobalar halyqtardyń ıgiligi úshin qyzmet etip keledi.

«Kópvektorly syrtqy saıasat bizdi yntymaqtastyq pen álemdegi beıbitshilikti qamtamasyz etýge baǵyttalǵan beıbitshil ult retinde kórsetti. Bizge álem elderi senimmen qaraıdy, sondaı-aq bizdi memleketter arasyndaǵy qaqtyǵystar men kelispeýshilikter kezinde tabystyrýshy, bitimger bolýǵa shaqyrady. Qazaqstan men bizdiń elordamyz senimgerliktiń alańyna aınaldy, bul jerde osyndaı mańyzdy kelissózder ótip keledi», - dedi Tuńǵysh Prezıdent.