Qazaqstandy Chelıabınskidegi ІT-ortalyqtyń jumysy qyzyqtyrdy
«Bizdi aımaqtyq bılikpen seriktese jumys atqaratyn ІT-ortalyq men jobalar qyzyqtyrady. Aýqymy keń Oqýshylar saraıyn salyp jatyrmyz. Osyndaı ortalyq ashqymyz keledi», -deıdi Qumar Aqsaqalov.
Chelıabınsk memlekettik ýnıversıtetiniń aqparattandyrý jónindegi prorektory Mıhaıl Polıtov teorııalyq turǵyda ǵana emes, tájirıbelik baǵytta da sapaly bilim berý mańyzdy ekenin atap ótti.
«Bizde balalarǵa bazalyq deńgeıde ǵylymnyń ne ekenin túsindiretin jumystyń bastapqy bóligi bar. Júıeni tereń meńgermese, alǵa ozarlyqtaı jumys atqarý da ońaı bolmaıdy», - deıdi Mıhaıl Pılotov.
Oqý protsesiniń qurylymdyq tujyrymy teorııa men tájirıbeni ushtastyrýǵa negizdelgen. Oqytýshylardyń bul baǵyttaǵy kómekshileri - zaýyttar men kásiporyndar.
Jelilik oqytý zerthanasynda stýdentter ІT-ınfraqurylymdar men olardy qurý jolyn úırenedi. Jas ǵalymdardyń qolymen jazylǵan kóptegen baǵdarlamalar men jobalar olardyń ózderi úshin tabys kózi bola alady.
Eske sala ketsek, Prezıdent Nursultan Nazarbaev Qazaqstan men Reseıdiń HІV óńiraralyq yntymaqtastyǵy forýmy qatysý úshin búgin Chelıabınsk qalasyna kelgen bolatyn. Sapar aıasynda Memleket basshysy Reseı Prezıdenti Vladımır Pýtınmen kezdesti.
