Qazaqstandy álemge tanytý úshin 40 jyl tynbaı jumys istedim - Nursultan Nazarbaev
Óz sózinde Tuńǵysh Prezıdent týǵan jerine qurmetin jetkize kele el basqarǵan kezdegi estelikterimen bólisti.
«Men de sizder sııaqty osy jerden ósip, álemniń 170 elin araladym. 200-den astam prezıdentpen kezdestim. Sonyń barlyǵy eldiń qamy úshin bolatyn. 1979 jyly Ortalyq Komıtet hatshysy bolyp kelgennen beri qaraı 40 jyl el basqarý isterinde jumys istedim. Qolymnan kelgenshe kúndiz-túni jumys jasap, qazaq elin álemge tanytýǵa tyrystym. Sonyń arqasynda eshkim bilmeıtin Qazaqstan dúnıejúzine belgili boldy. Qazaqstandyqtardyń barmaıtyn jeri, demalmaıtyn kýrorty joq. Balalary álemdik JOO-da bilim alyp jatyr, densaýlyǵyn túzeımin dese de sheteldik emhanalarǵa barýda. Sonyń barlyǵy eldiń órkendeýi, memleket dárejesiniń kóterilýi arqasynda», - dedi Nursultan Nazarbaev.
Sonymen qatar, Nursultan Nazarbaev Qazaqstannyń basqalarmen salystyrǵanda úlken el emes ekenin, biraq barlyq eldermen terezemiz teń ekenin atap ótti.
"Bizdiń el Qytaı men Reseı sııaqty alyp memlekettermen shektesedi. Ońtústigimizde Islam memleketteri. Olardyń arasynda 18 mln halyqpen, jerimiz keń bolsa da úlken dep aıta almaımyz. Durys júrgizilgen saıasattyń arqasynda barlyq memleketter Qazaqstandy syılaıtyn boldy. Araaǵaıyndyq tatýlyq máselesine kiristik. Arqa tósinde jańa elordamyzdy saldyq. Elordamyz álemdik jıyndar ótetin, tanymal ortalyqqa aınaldy. Qazaqstannyń ortalyǵy qandaı bolsa, eli de sondaı dep túsinedi", - dedi N. Nazarbaev.
Eske salsaq, QR Tuńǵysh Prezıdenti - Elbasy Nursultan Nazarbaev týǵan jeri Shamalǵanǵa keldi.
