Qazaqstandyqtarǵa jumysty endi jasandy ıntellekt taýyp beredi
Elektrondy eńbek bırjasynyń portalynda jumys izdeýshiler men jumys berýshiler úshin bos oryndar men túıindeme boıynsha usynymdardy tańdaýǵa múmkindik beretin jasandy ıntellekt modeli iske qosyldy. Engizilgen jasandy ıntellekt modeli Eńbekmınniń aqparattyq júıeleriniń derekterinde oqytylǵan, dep habarlaıdy Kazinform.
Osy usynys júıesin ázirleý kezinde LinkedIn Recruiter izdeý jáne usynystar júıesine uqsas ozyq arhıtektýra qoldanyldy.
JI fýnktsıonalynyń negizi — túıindeme men bos jumys oryndarynyń mazmunyn tıimdi taldaýǵa múmkindik beretin tabıǵı tildi óńdeý modelderi.
Atalǵan mehanızm jumys berýshilerge jumysqa qabyldaý jáne kadrlyq rezervti qalyptastyrý úshin qolaıly kandıdattardy jyldam jáne dál izdeýdi, al jumys izdeýshilerge mansapty jalǵastyrý úshin qolaıly bos jumys oryndary men perspektıvalardy tezirek izdeý múmkindigin qamtamasyz etedi.
JI modeli túıindemeniń mazmunyn taldaýǵa múmkindik beredi, onyń negizinde kútiletin jalaqy deńgeıi, turǵylyqty jeri, kóshý múmkindikteri, daǵdylar sııaqty ártúrli parametrlerdi eskere otyryp, eń qolaıly jumys nusqalary men óz mansabyn jalǵastyrý usynylady.
Bul jumys berýshiler úshin de, jumys izdeýshiler úshin de dálirek jáne jekelendirilgen usynystar beredi.
Bolashaqta zamanaýı mashınalyq oqytý algorıtmderin qoldanýdy qosa alǵanda, júıeni únemi jetildirý, ótinish berýshilerge olardyń daǵdylaryn jaqsartý úshin qosymsha bilim berý jáne kýrstar boıynsha usynystar berý josparlanýda.
