Qazaqstandyqtarǵa jylý úshin tólengen 1,6 mlrd teńge qaıtarylmaq
ASTANA. KAZINFORM — QR Ulttyq ekonomıka mınıstrliginiń Tabıǵı monopolııalardy retteý komıteti jylý energııasyn esepke alý aspaptary joq tutynýshylar úshin jylýmen jabdyqtaý qyzmetteriniń qunyn qaıta esepteý jónindegi jumysty aıaqtady. Bul týraly atalǵan komıtettiń baspasóz qyzmeti málim etti.
Bul jumys tabıǵı monopolııalar sýbektilerin syrtqy aýanyń naqty temperatýrasyna baılanysty jylý esepteýlerin túzetýge mindetteıtin zańnamaǵa sáıkes júrgizildi.
Qaıta esepteý qorytyndysy boıynsha azamattarǵa 1 554,7 mln teńgeden astam (QQS esebimen) qaıtarylatyn bolady. Qarajat derbes shottarda jeke jolmen — 2024-2025 jyldardaǵy jańa jylytý maýsymynda avans (saldo) túrinde ne 2025 jyldyń sońyna deıin kúntizbelik jyl ishinde kórsetiletin bolady.
Qarajatty qaıtarý elimizdiń barlyq óńirlerine áser etedi.
Atap aıtqanda, Astanada tutynýshylarǵa 224,5 mln teńge, Almatyda — 74,2 mln teńge, Qaraǵandy oblysynda — 457,0 mln teńge, Shyǵys Qazaqstan oblysynda — 257,2 mln teńge, Mańǵystaý oblysynda — 176,7 mln teńge, Qostanaı oblysynda — 106,9 mln teńge, Soltústik Qazaqstan oblysynda — 74,8 mln teńge, Aqmola oblysynda — 44,3 mln teńge, Pavlodar oblysynda — 34,8 mln teńge, Qyzylorda oblysynda — 23,9 mln teńge, Aqtóbe oblysynda — 24,1 mln teńge, Jambyl oblysynda — 21,4 mln teńge, Abaı oblysynda — 19,9 mln teńge, Atyraý oblysynda — 11,0 mln teńge, Batys Qazaqstan oblysy — 3,4 mln teńge, Almaty oblysynda — 0,5 mln teńge, Túrkistan oblysynda — 0,1 mln teńge, al Jetisýda — 0,03 mln teńge qaıtarylady.
Shymkent pen Ulytaý oblysynyń tutynýshylary úshin esepteýlerdi túzetý qarastyrylmaǵan, óıtkeni retteletin qyzmettiń quny syrtqy aýanyń naqty temperatýrasyn eskere otyryp qalyptastyrylǵan.
Aıta ketý kerek, Astanada jylytý maýsymy boıy aı saıyn qaıta esepteý júrgizildi, bul temperatýranyń ózgerýin dálirek eskerýge jáne tutynylǵan jylýdyń naqty kólemin kórsetýge múmkindik berdi.
Osylaısha, júrgizilgen jumys búkil el boıynsha tutynýshylar úshin tarıfterdiń ashyqtyǵy men esep aıyrysýdyń ádildigin qamtamasyz etedi.
Al bıyl elordada jylý tarıfi ózgere me degen saýalǵa jaýap alǵyńyz kelse myna siltemeden oqyńyz.