Qazaqstandyqtarǵa terrorızmge qarsy oqý-jattyǵýlar uıymdastyrylatyny eskertildi
ASTANA. KAZINFORM — Ulttyq qaýipsizdik komıteti Terrorızmge qarsy ortalyǵy «Naıza-Antıterror-2026» terrorızmge qarsy oqý-jattyǵýyn ótkizip jatyr. 5 maýsymda bastaý alǵan shara 30 maýsymǵa deıin jalǵasady. Bul týraly ortalyqtyń resmı saıtynda jarııalandy.
— Azamattardy júrgizilip jatqan oqý-jattyǵýǵa túsinistikpen qaraýǵa shaqyramyz. Jekelengen aýdandarda avtokólik qozǵalysyn ýaqytsha shekteý kózdelgen. Qaýipsizdik sharalaryn saqtaýdy jáne memlekettik organ qyzmetkerleriniń zańdy talaptaryn oryndaýdy suraımyz. Tek resmı aqparatty basshylyqqa alyp, jalǵan málimetterdiń taralýyna jol bermeýlerińizdi suraımyz, — delingen aqparatta.
Eske sala keteıik, sáýir aıynda Túrkııada antıterrorlyq is-sharalar ótip, onda 90 adam ustalǵan bolatyn.
