Qazaqstandyqtarǵa memlekettik qyzmetterdiń jańa túrleri qoljetimdi

ASTANA. KAZINFORM –  Tsıfrlyq damý, ınnovatsııalar jáne aeroǵarysh ónerkásibi mınıstriniń 19 naýryzdaǵy buıryǵymen memlekettik qyzmetter tizimine ózgerister engizildi. 

Buıryqqa sáıkes, kelesi memlekettik qyzmetter tizimge endi:

• Áreketke qabiletsiz nemese áreketke qabilettiligi shekteýli kámeletke tolǵan adamdarǵa qorǵanshylyq nemese qamqorshylyq belgileý;
• Áreketke qabiletsiz nemese áreket qabilettiligi shekteýli kámeletke tolǵan adamnyń shotyna alynǵan múlikke bılik etýge, zeınetaqylardy, járdemaqylardy, áleýmettik tólemderdi alýǵa ruqsat berý;
• Sot sheshimimen áreketke qabiletsiz nemese áreket qabilettiligi shekteýli dep tanylǵan azamattardyń múlkin ıelikten shyǵarýǵa ruqsat berý.

Bul memlekettik qyzmetterdi Eńbek jáne halyqty áleýmettik qorǵaý mınıstrligi kórsetetinin atap ótken jón. Buıryq 2024 jylǵy 31 naýryzdan bastap kúshine enedi.