Qazaqstandyqtarǵa kardıologııa men onkologııadaǵy terapııanyń jańa ádisteri qoljetimdi bolady

ASTANA. KAZINFORM – Qazaqstandaǵy medıtsınalyq óndiristerdi lokalızatsııalaý azamattardyń ómirlik mańyzy bar dárilik zattarǵa qoljetimdiligine tikeleı áser etedi Bul týraly Úkimettiń baspasóz qyzmeti habarlady. 

Qazaqstanda dárilik preparattar óndirisin lokalızatsııalaý men emdeýdiń zamanaýı ádisterine qoljetimdilikti keńeıtý jumystary aıaqtalyp qaldy. Bul týraly Prezıdent janyndaǵy Sheteldik ınvestorlar keńesiniń aralyq otyrysynyń jumys sessııalary barysynda Polpharma Santo («Hımfarm» AQ) bas dırektory Adam Alekseıýk habarlady.

Onyń aıtýynsha, Qazaqstandaǵy medıtsınalyq óndiristerdi lokalızatsııalaý azamattardyń ómirlik mańyzy bar dárilik zattarǵa qoljetimdiligine tikeleı áser etedi.

— Medıtsınalyq óndiristerdi lokalızatsııalaý — bul azamattardyń ómirlik mańyzdy preparattarǵa qol jetkizýi máselesi. Men búgin bıznes pen Densaýlyq saqtaý mınıstrligi jańa ınvestıtsııalyq kelisimsharttarǵa qol qoıýǵa múmkindik beretin sheshimderge kelgenin qýana habarlaımyn, — dep atap ótti Adam Alekseıýk.

Ol Polpharma Santo Qazaqstandaǵy dáıekti ınvestıtsııalyq saıasatty jalǵastyryp jatqanyn atap ótti.

— Biz Polpharma Santo kompanııasy retinde ınvestıtsııalaýdy jalǵastyramyz jáne Qazaqstan azamattaryna kardıologııa, onkologııa jáne antıbıotıkter salasyndaǵy terapııanyń jańa ádisterine qol jetkizýdi qamtamasyz etetin kelisimshart boıynsha jumysty aıaqtaımyz. Atalǵan kelisimshartty aıaqtaý — bul bizdiń jyldar boıy daıyndaǵan serpindi jumysymyz. Ótken jyly biz ózimizdiń ınnovatsııalyq jáne zerthanalyq ortalyqtarymyzdy saldyq, al osy jyldyń sáýir aıynda ózimizdiń R& D ortalyǵymyzdy ashamyz. Biz Qazaqstan azamattaryna asa mańyzdy dári-dármekterdi jetkizý úshin barynsha jyldam damýǵa daıynbyz, — dedi kompanııa basshysy.

Jańa ınvestıtsııalyq kelisimderdi júzege asyrý elimizde qoljetimdi dári-dármekter jelisin keńeıtýge jáne Qazaqstannyń dárilik qaýipsizdigin nyǵaıtýǵa múmkindik beredi dep kútilýde.

Aıta ketelik