Qazaqstandyqtarǵa elektr jelisine qosylý ruqsatyn JI berýi múmkin
ASTANA. KAZINFORM – «Samuryq-Energo» aktsıonerlik qoǵamynyń basqarma tóraǵasy Qaırat Maqsutov Úkimet otyrysynda elektr jelisine qosylý ruqsatyn JI berýi múmkin ekenin aıtty.
– Qazir tehnıkalyq sharttardy berý protsesi «AJK» AQ tehnıkalyq personaly tarapynan júzege asyrylady. Bul rette adam faktory basymdyq tanytyp, túrli qatelikter bolýy múmkin. Sonyń saldarynan túpki tutynýshynyń elektr júıesine qosylýy qymbattaýy múmkin. Jasandy ıntellekt engizý tehnıkalyq sharttardy tutynýshyǵa barynsha ońtaıly shemamen berip, adam faktoryn tolyǵymen joıýǵa múmkindik beredi, - dedi kompanııa basshysy.
Sonyń arqasynda tehnıkalyq sharttardy ázirleý men berý merziminiń qysqaryp, jelige qosylýdyń eń ońtaıly núktesin anyqtaý jeńildemek.
Sondaı-aq ol elde ornatylatyn 4 mln «aqyldy eseptegish» 57 mlrd teńgeni únemdeıtinin málim etti.