Qazaqstandyqtardyń jeke derekteri medıtsınalyq uıymdardan taraǵan bolýy múmkin – Úkimet

ASTANA. KAZINFORM – Premer-mınıstr Oljas Bektenov Úkimet otyrysynan keıin ótip jatqan baspasóz máslıhatynda qazaqstandyqtardyń jeke derekterin kim taratyp jiberýi múmkin ekenin málim etti.

- Men sizge alaıaqtardyń qońyraýy erteń-aq toqtaıdy dep aıtpaımyn. Іstelgen jumystardy aıttym, alaıaqtar shalǵan 67 mln qońyraý toqtatyldy jáne olardyń maqsattarynyń oryndalýyna jol berilgen joq. ıAǵnı, olar azamattarymyzǵa habarlasa alǵan joq.

Jeke derekterdiń taralyp ketýine kelsek, ıá, shynymen de ondaı fakti bar. Tıisti organdar tekserý júrgizedi. Onyń ishinde qylmystyq is boıynsha da tergeý júrip jatyr. Qylmystyq is qozǵaldy. Qazir qolda bar aqparat boıynsha 2022 jylǵy derekter tarap ketken dep aıta alamyn. ıAǵnı, sol kezde taralyp ketken. Árıne, bul eshkimdi, onyń ishinde Úkimetti de jaqsy atandyratyn fakt emes. Biraq tekserýshi organdardyń aldyn-ala tujyrymdary boıynsha derekter medıtsınalyq uıymdardan taraǵan bolýy múmkin. Óıtkeni olar memlekettik derekqorlarǵa qol jetkize alady. Biraq olardy urlyqtan saqtaı almaıdy. Tıisti jaýapkershilik bar. Qaýipter artqan saıyn zańnama turǵysynan da, jedel túrde de den qoıyp otyrmyz, - dedi Premer-mınıstr.

Sondaı-aq, ol quqyq qorǵaý organdary buǵan jol bergen jaýapty adamdy taýyp, qylmystyq jaýapkershilikke tartatynyna sendirdi.

Buǵan deıin qazaqstandyqtardyń 16 mıllıonnan astam deregi tarap ketkeni málim bolǵan edi.