Qazaqstandyqtardyń zeınetaqy jınaǵy bir jylda 14,1%-ǵa ósti

2026 jyldyń 1 tamyzyndaǵy jaǵdaı boıynsha jarnanyń bul túriniń esepti kúndegi kólemi – 26,31 trln teńge, 12 aıda 2,69 trln teńgege nemese 11,4% ósti.

Mindetti kásiptik zeınetaqy jarnalary esebinen qalyptastyrylǵan zeınetaqy jınaqtary 12 aıda 6,6%-ǵa ulǵaıyp, 751,56 mlrd teńgeden asty. Erikti zeınetaqy jarnalary boıynsha jınaq kólemi de ulǵaıdy: 2026 jylǵy 1 tamyzǵa onyń kólemi 10,41 mlrd teńge bolyp, 12 aıda 14,9% ósim kórsetti.

Salymshylardyń (alýshylardyń) zeınetaqy shottaryna 2024 jylǵy 1 qańtardan túse bastaǵan jumys berýshiniń mindetti zeınetaqy jarnalary da aıtarlyqtaı ulǵaıyp otyr. 12 aı ishinde 2,5 esege ulǵaıyp, 2026 jyldyń 1 tamyzyna 1 273,93 mlrd teńge boldy.

Túsimder

Zeınetaqy jınaqtarynyń kólemi zeınetaqy jarnalary men ınvestıtsııalyq kiris túrindegi kiris aǵyndary esebinen ulǵaıady. 2026 jyldyń alǵashqy 7 aıynda salymshylardyń jeke jáne shartty zeınetaqy shottaryna 2 127,27 mlrd teńge tústi, ótken jyldyń sáıkes kezeńindegi kórsetkishten 15,7%-ǵa (nemese 289,09 mlrd teńgege) artyq.

MZJ esebi júrgiziletin jeke zeınetaqy shottaryna 2026 jyldyń basynan bastap 2026 jylǵy 1 tamyzǵa deıin 1 630,80 mlrd teńge (ótken jyldyń sáıkes kezeńimen salystyrǵanda MZJ kólemi 8,1%-ǵa ulǵaıdy), MKZJ – 87,69 mlrd teńge (ósim – 11,0%), EZJ – 1251,28 mln teńge tústi. Jyl basynan bastap 01.08.2026j. jaǵdaı boıynsha JMZJ esebinen jarnalar 407,53 mlrd teńge boldy.

Jyl basynan beri salymshylardyń shottaryna túsken taza ınvestıtsııalyq kiris 01.08.2026j. jaǵdaı boıynsha 1233,05 mlrd teńge.

Tólemder men aýdarymdar

2026 jylǵy qańtar-shilde aılarynda BJZQ-dan jarnalardyń barlyq túri boıynsha jasalǵan tólemder men saqtandyrý uıymdaryna aýdarymdar 1083,51 mlrd teńge boldy.

Zeınet jasyna tolýyna baılanysty tólemder 170,95 mlrd teńgege jetti. BJZQ-dan zeınet jasyna tolýyna baılanysty keste boıynsha beriletin ortasha aılyq tólem – 38 9993 teńge.

2026 jyldyń basynan bastap 01.08.2026 jylǵa turǵyn úı jaǵdaılaryn jaqsartýǵa jáne emdelýge arnalǵan birjolǵy zeınetaqy tólemderi (BZT) 435,20 mlrd teńge, muragerlik boıynsha 63,06 mlrd teńge, QR-dan tys jerge turaqty turýǵa ketýge baılanysty 28,13 mlrd teńge, múgedektigi bar adamdarǵa – 2,05 mlrd teńge, jerleýge – 5,56 mlrd teńge kóleminde tólem jasaldy. Saqtandyrý uıymdaryna 378,56 mlrd teńge aýdaryldy.

JZSh sany

2026 jyldyń 1 tamyzyndaǵy jaǵdaı boıynsha BJZQ-daǵy zeınetaqy shottarynyń jalpy sany – 18,89 mln (12 aıdaǵy ósim – 1,12 mln birlik nemese 6,3%). Bul rette salymshylardyń (alýshylardyń) BJZQ-daǵy JZSh sany 2026 jyldyń 1 tamyzynda 12,84 mln boldy. Onyń ishinde: 11,39 mln - MZJ boıynsha, 789,48 myńy - MKZJ boıynsha, 463,69 myńy – EZJ esepteletin shottar. Aıta keteıik, MZJ esebi júrgiziletin shottardyń jalpy sanyna (11,39 mln birlik) elden tysqary jerlerge turaqty turýǵa ketken, biraq jınaqtaryn alý úshin júginbegen alýshylardyń, muragerleri zeınetaqy jınaqtaryn muraǵa resimdemegen qaıtys bolǵan salymshylardyń, 2016 jyldan bastap zeınetaqymen memlekettik qamsyzdandyrylýǵa tolyq aýystyrylǵan áskerı qyzmetshilerdiń jáne shottaryna Qazaqstan zańnamasyna sáıkes jarnalar túspeýi tıis salymshylardyń (alýshylardyń) basqa da sanattarynyń shottary kiredi.

BJZQ-daǵy JMZJ týraly málimetter eskeriletin shartty zeınetaqy shottarynyń sany - 6,06 mln.

Aıta ketelik BJZQ mamandary 2027 jylǵy zeınetaqy reformasynyń mánin túsindirgen edi.