Qazaqstandyqtardyń úshten ekisi qaıyrymdylyq sharalaryna atsalysady
ASTANA. KAZINFORM – Qazaqstandyqtardyń basym bóligi sońǵy bir jyl ishinde qaıyrymdylyq kómek kórsetken. Bul týraly Qazaqstan qoǵamdyq damý ınstıtýty júrgizgen zertteý nátıjesinde aıtyldy.
Saýalnama qorytyndysyna sáıkes, respondentterdiń shamamen úshten ekisi sońǵy 12 aıda qaıyrymdylyqqa qatysqanyn málimdegen. Al 28,8%-y qaıyrymdylyqpen aınalyspaǵanyn kórsetken.
Zertteý derekterine qaraǵanda, qazaqstandyqtar kóbine naqty muqtaj adamdarǵa tikeleı kómek kórsetýdi jón kóredi.
Atap aıtqanda:
– 32,8% muqtaj jandarǵa qarjylaı kómek aýdarady;
– 32,2% azyq-túlik pen qajetti zattar beredi;
– 17,3% dinı uıymdarǵa aqsha aýdarady;
– 14,1% qaıyrymdylyq uıymdaryna azyq-túlik pen zattaı kómek kórsetedi;
– 10,3% kommertsııalyq emes uıymdarǵa, qaıyrymdylyq qorlaryna jáne balalar úılerine qarjy bóledi;
– 2,3% qaıyrymdylyq sharalaryna jarna arqyly qatysady.
Zertteý avtorlarynyń aıtýynsha, qazaqstandyqtar kóbine kómekti tikeleı muqtaj adamdarǵa jetkizýge beıim.
Saýalnama «Volonterlik jáne qaıyrymdylyq azamattyq belsendiliktiń nysandary retinde jáne onyń aımaqtardyń áleýmettik-ekonomıkalyq ál-aýqatyn arttyrýǵa áseri» taqyrybynda júrgizilgen.
Zertteýge 1200 respondent qatysqan. Respondentter birneshe jaýap nusqasyn tańdaı alǵandyqtan, jaýaptardyń jalpy jıyntyǵy 100%-ǵa teń emes.
Aıta keteıik, Dımashtyń jankúıerleri álemdi qaıyrymdylyq aktsııasymen tańǵaldyrdy.
