Qazaqstandyqtardyń tsıfrlyq keńistigine qoıylatyn talaptar qandaı
ASTANA. KAZINFORM — Qazaqstanda azamattardyń tsıfrlyq keńistigine qoıylatyn talaptar bekitildi.
Tıisti buıryqqa Premer-mınıstrdiń orynbasary — jasandy ıntellekt jáne tsıfrlyq damý mınıstri Jaslan Mádıev 2026 jylǵy 10 maýsymda qol qoıdy.
Qujatqa sáıkes, Qazaqstan Respýblıkasy azamatynyń tsıfrlyq keńistigi mynadaı negizgi talaptarǵa saı bolýy tıis:
• azamattyń tsıfrlyq keńistiginde ornalastyrylǵan aqparattyń bolýy men ózektiligin qaraý múmkindigi;
• paıdalanýshynyń memlekettik qyzmetterdi alý tarıhy jýrnalyna qol jetkizý;
• operatsııalardyń mártebesi men mańyzdy oqıǵalar týraly push-habarlamalar, SMS jáne (nemese) elektrondyq poshta arqyly mindetti túrde habarlandyrý;
• tsıfrlyq keńistiktegi habarlandyrýlar men qaýipsizdik parametrlerin basqarý múmkindigi;
• elektrondyq tsıfrlyq qoltańbanyń (ETsQ) ashyq kilt sertıfıkatyn keri qaıtaryp alý fýnktsııasyn paıdalaný múmkindigi.
Atalǵan buıryq 2026 jylǵy 12 shildeden bastap qoldanysqa engiziledi.
Aıta keteıik, Qazaqstan Respýblıkasynyń Prezıdenti 2029 jylǵa deıingi «Digital Qazaqstan» aýqymdy tsıfrlandyrý jáne jasandy ıntellekt tehnologııalaryn engizýdiń jalpyulttyq strategııasyn bekitý týraly Jarlyqqa qol qoıdy.
