Qazaqstandyqtardyń tólqujatynda jańa qorǵaý elementi paıda bolady

ASTANA. KAZINFORM — Qazaqstan azamattarynyń tólqujatynda jańa qorǵaý elementi paıda bolady. Bul týraly Іshki ister mınıstriniń birinshi orynbasary Baýyrjan Álenov málim etti. 

— Ulttyq tólqujatty qorǵaý deńgeıin kóterip jatyrmyz. Bizdiń azamattar vızasyz 43 elge bara alady. Qazaqstandyq pasport halyqaralyq standarttarǵa sáıkes keledi. Qajetti qorǵaý elementterin odan ári jetildirip jatyrmyz (fotodaǵy aty men tegi mıkromátin túrinde kórsetiledi), — dedi Baýyrjan Álenov Úkimet otyrysynda.

Odan ári mınıstrdiń birinshi orynbasary kóshi-qon salasynda baqylaý kúsheıetinin aıtty.

— Qaýipsizdik keńesinde berilgen tapsyrmalar aıasynda kóshi-qon salasynyń aqparattyq júıesin ıntegratsııalaý jumysyn iske asyryp jatyrmyz. Іshki ister organdary kóshi-qon baqylaýyn jetildirý boıynsha barlyq qajetti sharany qabyldaıdy. Qujat jáne elge kelgen azamattardy tirkeý protsesine monıtorıng júrgiziledi. Jalǵan tirkeýi bar páterlerdi anyqtap, olardyń sanyn azaıttyq, sonymen qatar páter ıeleri jaýapkershilikke tartyldy, — dep tolyqtyrdy vedomstvo ókili.

Eske salsaq, jyl basynda elimizde demografııa jáne kóshi-qon salasyn retteıtin memlekettik organ qurý usynylǵan edi. 

Aıta ketsek, bıyl 1 mln-ǵa jýyq shetel azamaty Qazaqstanǵa kelýge ótinish bergen.