Qazaqstandyqtardyń ortasha ómir súrý uzaqtyǵy artty
ASTANA. KAZINFORM — 2025 jyly Qazaqstandaǵy halyqtyń týǵan kezdegi kútiletin ómir súrý uzaqtyǵy 75,97 jasqa jetti, dep habarlaıdy Ulttyq statıstıka bıýrosynyń baspasóz qyzmeti.
Bul kórsetkish 2024 jylǵy 75,44 jaspen salystyrǵanda ósim baıqaldy.
Qalalyq jerlerde ómir súrý uzaqtyǵy aýyldyqqa qaraǵanda joǵary — tıisinshe 76,63 jáne 74,81 jas.
Al genderlik bóliniste áıelderdiń ortasha ómir súrý uzaqtyǵy 79,8 jas, al erlerde 72,19 jas boldy. 2024 jyl bul kórsetkish tıisinshe 79,42 men 71,33 jasqa jýyqtaǵan.
Óńirler boıynsha eń uzaq ómir súrý kórsetkishi Almaty qalasynda — 78,83 jas, Astana qalasynda — 78,78 jas, al eń tómengi kórsetkish Ulytaý oblysynda — 73,56 jas.
Týǵan kezdegi kútiletin ómir súrý uzaqtyǵy — ár jastaǵy ólim-jitim deńgeıi ózgermegen jaǵdaıda, adamnyń ortasha ómir súretin jyldar sany retinde esepteledi.
Buǵan deıin Túrkııada áıelder erlerden 5 jylǵa uzaǵyraq ómir súretinin jazǵan edik.
