Qazaqstandyqtardyń Ońtústik Koreıada zańdy túrde jumys isteýine ruqsat beriledi
Eńbek jáne halyqty áleýmettik qorǵaý mınıstrliginiń jáne Koreıa Respýblıkasy Eńbek jáne jumyspen qamtý mınıstrliginiń ókilderi onlaın-formatta kelissóz júrgizip, onyń barysynda Qazaqstandy Ońtústik Koreıanyń Employment Permit System júıesine engizý máselesin talqylady, dep habarlaıdy Kazinform.
Bul qazaqstandyqtarǵa Ońtústik Koreıada zańdy túrde jumysqa ornalasýǵa, sondaı-aq olarǵa teń eńbek jaǵdaıy men quqyǵyn qorǵaýǵa múmkindik beredi.
Kezdesýge Eńbekmıni kóshi-qon komıtetiniń tóraǵasy Asqarbek Ertaev, Eńbekmıni Halyqaralyq yntymaqtastyq jáne ıntegratsııa departamentiniń dırektory Saadat Asanseıtova jáne Koreıa Respýblıkasy Eńbek jáne jumyspen qamtý mınıstrliginiń sheteldik jumys eńbegi jónindegi basqarmasy dırektorynyń orynbasary Mıýng Sýng Hon qatysty.
Asqarbek Ertaev kezdesýge qatysýshylarǵa EPS júıesi sheńberinde koreıalyq daıyndyq ortalyǵyn ashý boıynsha júrgizilip jatqan jumys jóninde habarlady.
Qazaqstanda EPS ortalyǵyn ashý múmkindigin talqylaı otyryp, taraptar jemisti jáne syndarly ózara is-qımylǵa, sondaı-aq eńbek mıgratsııasy sheńberinde ekijaqty yntymaqtastyqty keńeıtýge daıyn ekenin bildirdi.
