Qazaqstandyqtardyń neshe paıyzy kitapqumar

ASTANA. KAZINFORM – Mádenıet jáne aqparat mınıstrliginiń deregi boıynsha eldegi 31,3%-y kitap oqıdy.

Vedomstvonyń 2023 jylǵy damý kórsetkishteri týraly esebinde osyndaı málimet keltirilgen. Mınıstrlik mamandary eldegi kitapqumarlardyń úlesin kitaphana qyzmetin paıdalanýshylardyń sany arqyly anyqtaǵan. 2023 jyly halyqtyń sany 20 mln 33 myń 546 adam bolsa, onyń 2 mln 49 myń 156-sy 4 jasqa deıingi balalar retinde esepke alynbaǵan. Qalǵan 17 mln 984 myń 390 adamnyń 5 mln 738 myń 39-y kitaphanalardyń qyzmetin paıdalanǵan.

«2023 jyly elimizdegi kitaphanalarda 153 472 is-shara ótkizildi. Ol is-sharalar 5 738 039 paıdalanýshyny qamtyp, halyqtyń oqý belsendiligi 31,3%-ǵa jetti», - dep jazylǵan.

Resmı derekke sensek, Elimizde 9,5 myńnan astam kitaphanashy, 73 mıllıonǵa jýyq kitap bar. 

Elektrondy kitaptar men qujattarǵa jyl saıyn álemniń 110 elinen paıdalanýshylar júginedi.