Qazaqstandyqtardyń kredıt tóleýi jeńildeı me — jańa ereje

ASTANA. KAZINFORM — Qarjy naryǵyn retteý jáne damytý agenttigi bank aldyndaǵy qaryz shartynyń talaptaryna ózgerister engizdi. Qujat jobasy «Ashyq NQA» portalynda jarııalandy.

Jobada ártúrli kredıtorda eki jáne odan da kóp tutynýshylyq kepilsiz kredıti bar azamattar úshin merzimi ótken bereshekti qaıta qaraý tetigin engizý kózdelgen.

— Ártúrli kredıtorda birneshe merzimi ótken kepilsiz kredıti bar azamattardyń qaryz júktemesin jeńildetý maqsatynda, bereshekti biriktirý jáne uzaǵyraq ári ıkemdi tólem kestesi arqyly ujymdyq qaıta qurylymdaý tetigi engiziledi. Bul boryshker azamattardyń qarjylyq jaǵdaıyn jaqsartýǵa jáne qarjylyq turaqtylyq deńgeıin arttyrýǵa yqpal etedi, — delingen qujatta.

Aıta ketsek, Qazaqstan ekonomıkasyndaǵy kredıttiń 54%-y halyqtyń moınynda. 

Bıyl mamyrda Senat azamattardyń boryshtyq júktemesin azaıtatyn zańdy talqylady.