Qazaqstandyqtardyń derbes derekteriniń taralýyna Taıvan hakerleriniń qatysty bar - mınıstrlik
ASTANA. KAZINFORM – Qazaqstandyqtardyń derbes derekteriniń taralýyna Taıvan hakerleriniń qatysty bar. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstrliginen málim etti.
«2024 jyldyń 16 aqpanynda GitHub belgisiz bireýler qytaılyq kompanııa derekterin jarııalap jiberdi. Onyń ishinde qazaqstandyqtardyń da derbes derekteri boldy. Taıvan hakerleri Qytaı hakerleriniń derekter qoımasyn buzǵan. Jarııalanǵan materıaldar qytaı hakerlerinde saqtalǵan», - dep atap ótti vedomstvodan agenttiktiń resmı saýalyna oraı.
Tsıfrlyq damý mınıstrliginiń túsindirýinshe, qytaı hakerleriniń shabýyly baǵlarlamanyń qamtamasyz etýdiń álsiz tusy arqyly júzege asyrylǵan jáne ol qytaılyq baılanys jabdyqtarymen baılanysty emes.
Buǵan deıin «Memlekettik tehnıkalyq qyzmet» AQ zaimer.kz, «Robokesh.kz» JShS mıkroqarjy uıymynyń klıentteri sanalatyn qazaqstandyqtardyń 2 mıllıonnan astam jeke dereginiń taralýyn anyqtaǵanyn jazǵan edik.
