Qazaqstandyqtardyń BJZQ-da qansha zeınetaqy aktıvi bar
1 qarashadaǵy jaǵdaı boıynsha zeınetaqy aktıvteriniń jalpy kólemi shamamen 17 209,78 mlrd teńgeni qurady. Kazinform bul týraly Biryńǵaı jınaqtaýshy zeınetaqy qoryna silteme jasap habarlaıdy.
«Bul rette QR Ulttyq bankiniń senimgerlik basqarýyndaǵy BJZQ-nyń zeınetaqy aktıvteri 17 196,49 mlrd teńgeni quraıdy. QR UB basqarýyndaǵy zeınetaqy aktıvteriniń jyl basynan bergi ınvestıtsııalyq tabysy – 1 257,56 mlrd teńge», - delingen BJZQ málimetinde.
1 qarashadaǵy jaǵdaı boıynsha senimgerlik basqarýǵa berilgen zeınetaqy aktıvteriniń sýmmasy 13,29 mlrd teńge quraıdy. Investıtsııalyq portfeldi basqarýshylar:
- «Jusan Invest» AQ - 4,7 mlrd teńge. Zeınetaqy aktıvteriniń ınvestıtsııalyq tabysy – 377,28 mln teńge.
- «Halyk Global Markets» AQ - 2,79 mlrd teńge. Zeınetaqy aktıvteriniń ınvestıtsııalyq tabysy – 363,23 mln teńge.
- «BCC Invest» AQ - 2,13 mlrd teńge. Zeınetaqy aktıvteriniń ınvestıtsııalyq tabysy – 158,51 mln teńge.
- «Sentras Sekıýrıtız» AQ - 936,92 mln teńge. Zeınetaqy aktıvteriniń ınvestıtsııalyq tabysy –77,94 mln teńge.
- «Qazaqstan Halyq Bankiniń enshiles uıymy «Halyk Finance» AQ - 2,73 mlrd teńge. Zeınetaqy aktıvteriniń ınvestıtsııalyq tabysy – 70,66 mln teńge.
