Qazaqstandyqtardyń bank aldyndaǵy bereshegi 24 trln teńgeden asyp ketti

ALMATY. KAZINFORM – Qazaqstandyqtardyń nesıe portfeli jyl sanap artyp keledi. 2025 jyldyń 1 qańtarynda jeke tulǵalardyń kredıttik uıymdar aldyndaǵy jalpy bereshegi 24,1 trln teńgege jetti.

Birinshi nesıe bıýrosynyń bas dırektory Rýslan Omarovtyń aıtýynsha, jalpy nesıelerdiń 90 paıyzdan astamy kepilsiz tutynýshylyq, ıpoteka jáne avtonesıege tıesili.

Kepilsiz tutynýshylyq nesıe: Qaryz kólemi 2025 jyldyń basynda 11,7 trln teńgege jetti (bir jyldaǵy ósim +22,9 paıyz).

Ipotekalyq nesıe: Bir jylda 14,1 paıyzǵa ósip, 2025 jyldyń 1 qańtaryna qaraı 6,7 trln teńge boldy.

Kelisimsharttar sany: 9,9 paıyzǵa artyp, 627,6 myńǵa jetti.

– Qaryz alýshylar sany 10,3%-ǵa ósip, 600 myń adamǵa jetti. Jyl basyndaǵy ortasha qalǵan qaryz 10,6 mln teńge. Bul ótken jylmen salystyrǵanda 3,8%-ǵa artyq,– dedi Rýslan Omarov.

Osyǵan deıin elde avtonesıe kólemi rekordtyq deńgeıge jetkeni týraly jazǵan bolatynbyz.