Qazaqstandyqtardyń 71 paıyzy qoǵamdyq orynda temeki shegýge qarsy

Temeki bir jylda 20%-ǵa qymbattady, biraq qazaqstandyqtar baǵanyń budan da joǵary kóterilýine qarsy emes. Kazinform agenttigi bul týraly Energyprom-ǵa silteme jasap habarlaıdy.  

2023 jyldyń qańtar-qazan aılarynda Qazaqstanda 15 mlrd temeki, sıgara, papıros jáne osyǵan uqsas basqa da ónimder shyǵaryldy.

Bul bir jyl burynǵymen birdeı derlik — nebári mınýs 0,1%.

Bul rette temeki ónimderin shyǵarý kóp jyldar boıy Almaty oblysynda shoǵyrlanǵan.

Bıylǵy qańtar-qyrkúıek aılarynda jergilikti kompanııalar óz ónimderiniń 45%-yn ishki naryqqa jáne eksportqa ótkizse, qalǵan 55%-yn ımport qurady.

Qarasha aıynyń qorytyndysy boıynsha temeki baǵasy jyldyq dınamıkada 19,7% qymbattady.

Óńirler boıynsha baǵanyń eń kóp ósim Qostanaı (jylyna 27,6%), Batys Qazaqstan (25,7%) jáne Soltústik Qazaqstan (24,4%) oblystarynda baıqaldy.

Baǵanyń eń az jyldyq ósimi Almaty oblysynda tirkeldi: 16,3%.

2023 jyldyń shildesinde qazaqstandyqtar arasynda júrgizilgen saýalnamaǵa sáıkes, respondentterdiń 86,4%-y otbasy músheleriniń temeki ónimderin paıdalanýyna qarsy emes, 6,8%-y qarsy, taǵy 6,8%-y jaýap berýge qınalǵan.

Temeki ónimderine salynatyn salyqtyń kóterilýine qatysty saýalnamaǵa qatysqandardyń 55,5%-y bul sharaǵa kelisse, 24,8%-y qarsy.

Jumys oryndarynda, qoǵamdyq tamaqtaný oryndarynda jáne qoǵamdyq kólikte temeki shegýge tolyq tyıym salatyn zańǵa qatysty pikirler mynadaı: respondentterdiń 71,8 paıyzy mundaı zańdy qoldap, 11,5 paıyzy qarsy bolǵan.