Qazaqstandyqtardyń 70%-dan astamy elimiz durys baǵytta damyp jatyr dep sanaıdy
ASTANA. KAZINFORM — Bıylǵy sáýir aıynda Qazaqstannyń barlyq óńirindegi respondentter arasynda júrgizilgen Demoscope táýelsiz zertteý jobasynyń jańa saýalnamasy qoǵamda negizgi bılik ınstıtýttaryna qatysty turaqty oń kózqaras qalyptasqanyn kórsetti.
Senim deńgeıi boıynsha kósh basynda Memleket basshysy tur. Saýalnamaǵa qatysqandardyń 61,3%-y Prezıdentke senim bildirgen. Bul – bıliktiń barlyq tarmaǵy arasyndaǵy eń joǵary kórsetkish.
Qazaqstan Úkimetine respondentterdiń 47,4%-y senim bildirse, jergilikti ákimdikterge – 50,2%, Parlamentke – 40,5%, quqyq qorǵaý organdaryna – 46,8%, sottarǵa – 43,7% senim artqan.
Barlyq ınstıtýt boıynsha senim bildirýshiler sany syn kózben qaraıtyn azamattardan edáýir kóp bolǵan.
Sonymen qatar qazaqstandyqtardyń 72,4%-y el durys baǵytta damyp keledi dep sanaıdy: olardyń 44,6%-y «durys baǵytta» degen jaýapty senimdi túrde tańdasa, taǵy 27,8%-y «kóbine durys baǵytta» degen pikir bildirgen. Bul synı kózqaraspen qaraıtyndardyń úlesinen shamamen úsh jarym ese kóp.
Bılik jarııalaǵan «Ádiletti Qazaqstan» baǵyty da aıtarlyqtaı qoldaýǵa ıe boldy: saýalnamaǵa qatysqandardyń 55,6%-y bul uran naqty is-áreketpen sáıkes keledi dep esepteıdi.
Saýalnama eldiń barlyq óńirinde, sonyń ishinde Astana, Almaty, Shymkent qalalarynda jáne barlyq oblysta júrgizildi. Qatysýshylardyń 65,8%-y saýalǵa qazaq tilinde jaýap berýdi tańdaǵan.
