Qazaqstandyqtardyń 37 mamandyq boıynsha biliktiligin rastaý múmkindigi paıda boldy
ASTANA. KAZINFORM – Búgingi tańda Qazaqstanda 37 kásip boıynsha daǵdylardy rastaı alatyn 3 kásiptik biliktilikti taný ortalyǵy akkredıttelgen. Bul týraly Eńbek jáne halyqty áleýmettik qorǵaý mınıstrligi habarlady.
Kásiptik biliktilikti taný rásimi árbir azamat úshin eńbek naryǵynda básekege qabilettiligin arttyrý jáne jańa mansaptyq perspektıvalardy ashý úshin óziniń bilimi men daǵdylaryn resmı túrde rastaýǵa múmkindik beredi. Biliktilikti taný kásiptik standarttar negizinde júzege asyrylady jáne úmitkerdiń belgili bir kásiptiń talaptaryna sáıkestigin baǵalaıdy.
Barlyǵy óz daǵdylaryn rastaýǵa bolatyn kásipter tizilimine ekonomıkanyń túrli salalarynan 500-den astam kásip kiredi. Bul tizimge keleshekte eńbek naryǵynyń zamanaýı talaptaryna sáıkes keletin jańa mamandyqtardy engizý josparlanyp otyr.
Qazirgi jumys istep turǵan úsh kásiptik taný ortalyǵy týrızm jáne qonaqjaılylyq (17 kásip) pen aqparattyq tehnologııalar (20 kásip) salalaryna mamandanǵan. Azamattarǵa yńǵaıly bolý úshin barlyq qajetti rásimdi Career Enbek tsıfrlyq platformasynda onlaın ótýge bolady.
Akkredıttelgen uıymdar jelisin keńeıtý boıynsha belsendi jumys júrgizilip jatyr. Osylaısha, akkredıtteýge tıisti daıyndyq rásimderin kásiptik biliktilikti tanýdyń taǵy 20 áleýetti ortalyǵy júrgizedi.
