Qazaqstandyqtardyń 3 paıyzy ǵana aǵza donorlyǵy týraly ustanymyn resmı aıqyndaǵan
ASTANA. KAZINFORM – Transplantatsııalaý men joǵary tehnologııalyq medıtsınalyq qyzmetti úılestirý jónindegi respýblıkalyq ortalyq dırektorynyń mindetin atqarýshy Nazgúl Jangeldına qazaqstandyqtardyń 3 paıyzy ǵana aǵza donorlyǵy týraly ustanymyn resmı aıqyndaǵanyn málim etti.
– eGov.kz portalynda 134 myńnan astam turǵynnyń qaıtys bolǵannan keıingi aǵza donorlyǵyna qatysty erik bildirý ótinishteri tirkelgen. Jalpy halyqtyń 3 paıyzy ǵana osy máselege baılanysty únin bildirdi. Óz ustanymyn 18 ben 63-65 jas arasyndaǵylar berýge tıis. Elimizde bul sanatqa jatatyn 10 mln adam bar, - dedi ol ortalyq kommýnıkatsııalar qyzmetinde ótken dóńgelek ústelde.
Onyń sózinshe, qaıtys bolǵannan keıingi aǵza donorlyǵyna kelisim bildirýshiler sany artqanyna qaramastan, bas tartý úlesi odan da jyldam ósip keledi.
– Bul qoǵamda áli de senimsizdik pen aqparattaný deńgeıiniń tómen ekenin kórsetedi, - dedi ortalyq basshysy.
Buǵan deıin Nazgúl Jangeldına elimizde 10 myń adam ǵana donor bolýǵa keliskenin málimdegen edi.