Qazaqstandyqtardyń 17,79 paıyzy referendýmda daýys berdi

ASTANA. KAZINFORM – Ortalyq referendým komıssııasynyń hatshysy Muhtar Erman saǵat 10.00-degi jaǵdaı boıynsha qazaqstandyqtardyń referendýmǵa qatysý belsendiligi týraly málimet berdi. 

«Oblystardyń, respýblıkalyq mańyzy bar qalalardyń jáne Astananyń aýmaqtyq komıssııalary usynǵan derekterge sáıkes, Astana ýaqyty boıynsha saǵat 10.00-degi jaǵdaıy boıynsha azamattardyń kelýi mynany qurady:

Abaı oblysy boıynsha – 15,36 paıyz, Aqmola oblysy boıynsha – 17,18 paıyz, Aqtóbe oblysy boıynsha – 19,21 paıyz, Almaty oblysy boıynsha – 16,31 paıyz, Atyraý oblysy boıynsha – 17,11 paıyz, BQO boıynsha – 16,43 paıyz, Jambyl oblysy boıynsha – 16,19 paıyz, Jetisý oblysy boıynsha – 18,08 paıyz, Qaraǵandy oblysy boınysha – 30,63 paıyz, Qostanaı oblysy boıynsha – 16,9 paıyz, Qyzylorda oblysy boıynsha – 20,91 paıyz, Mańǵystaý oblysy boıynsha – 16,45 paıyz, Pavlodar oblysy boıynsha – 14,04 paıyz, SQO boıynsha – 15,83 paıyz, Túrkistan oblysy boıynsha – 18,56 paıyz, Ulytaý oblysy boıynsha – 17,4 paıyz, ShQO boıynsha – 17,85 paıyz, Astana qalasy boıynsha – 24,8 paıyz, Almaty qalasy boıynsha – 8,66 paıyz, Shymkent qalasy boıynsha – 19,56 paıyz.

Jalpy saǵat 10.00-degi jaǵdaıy boıynsha respýblıkanyń 2 mln 178 myń 593 azamaty bıýlletendi alǵan bolatyn. Ol tizimge engen azamattardyń 17,79 paıyzyn qurap otyr», - dedi Muhtar Erman.

Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys beredi. 

Respýblıkalyq referendým bıýlleteninde bir ǵana saýal bolady: Siz Qazaqstanda atom elektr stantsııasyn salýǵa kelisesiz be? Daýys berýshi jaýaptyń eki nusqasynyń birin tańdaıdy: «Iá, kelisemin» nemese, «Joq, kelispeımin».

Ózderiniń konstıtýtsııalyq quqyǵyn Koreıa Respýblıkasyndaǵy Qazaqstan azamattary alǵashqylardyń biri bolyp júzege asyrdy. 

1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.