Qazaqstandyqtardyń 12 paıyzy eldiń basqa óńirine kóshýge daıyn

ASTANA. KAZINFORM — Árbir ekinshi qazaqstandyq 2025 jyly jumys ornyn aýystyrý týraly oılaıdy.

Bul týraly HeadHunter Qazaqstan (hh.kz) platformasynda jarııalanǵan bos oryndar men túıindemelerdi taldaý negizinde júrgizgen zertteýde aıtylǵan.

Zertteýge sáıkes, jumys isteıtin azamattardyń 48 paıyzy 2025 jyly jumys ornyn aýystyrýdy josparlap otyr. Jumys ornyn aýystyrýǵa nıet bildirgen adamdardyń eń kóp sany kelesi salalardaǵy qyzmetkerler arasynda kezdesedi:

Óńdeý sektory jáne aýyl sharýashylyǵy — 63%.

Kólik jáne logıstıka — 59%.

Saýda jáne satý — 55%.

Zertteý jumys ornyn aýystyrýdyń negizgi sebepterin de anyqtady. Qyzmetkerler kóbinese eńbek jaǵdaılaryn jaqsartý qajettiligin kórsetken:

Tómen jalaqy (67%).

Mansaptyq ósý múmkindikteri shekteýli (45%).

Kúrdeli eńbek jaǵdaılary (38%).

— Árbir segizinshi adam (12%) Qazaqstannyń basqa óńirine kóshý múmkindigin qarastyrady. Negizgi aýyrlyq ortalyqtary Astana men Almaty bolyp qala beredi, olar kásibı jáne jeke damý úshin kóbirek múmkindikter usynady. Respondentterdiń 20%-y jańa mamandyqty meńgergisi keledi, kóbinese olardyń tańdaýy IT salasyna túsedi. Bul tendentsııa ásirese áıelder arasynda baıqaldy: 2022 jyly tek 18% ǵana tsıfrlyq júıege ótkisi keletinin aıtty, biraq 2025 jyly olardyń úlesi 24% deıin ósti, — delingen zertteý nátıjesinde.

Aıta keteıik, buǵan deıin Qazaqstanda jastar arasynda 735 myń dara kásipker tirkelgeni málim boldy.