Qazaqstandyqtardyń 12 aıdaǵy ınvestıtsııalyq kirisi 2,8 trln teńgeden asty
ASTANA. KAZINFORM – Salymshylardyń ınvestıtsııalyq kirisi Ulttyq banktiń, sondaı-aq ınvestıtsııalyq portfeldi jeke basqarýshylardyń zeınetaqy aktıvterin basqarý esebinen qalyptastyrylady.
— QRUB-tyń mindetti zeınetaqy jarnalary, mindetti kásiptik zeınetaqy jarnalary, erikti zeınetaqy jarnalary esebinen zeınetaqy aktıvterin basqarý jónindegi ınvestıtsııalyq qyzmetiniń nátıjesinde 2025 jyldyń maýsymynan bastap 2026 jyldyń mamyryna deıingi 12 aıda eseptelgen ınvestıtsııalyq kiristiń mólsheri shamamen 2,71 trln teńge boldy, osy kezeńdegi kiristilik 11,46% boldy.
Jumys berýshiniń mindetti zeınetaqy jarnalary esebinen 2026 jylǵy 1 maýsymdaǵy jaǵdaı boıynsha sońǵy 12 aıda eseptelgen ınvestıtsııalyq kiris 115,29 mlrd teńge, kiristilik 17,12%, — delingen habarlamada.
Eske sala keteıik, zeınetaqy aktıvteriniń jekelegen qysqa merzimdi kezeńderdegi kiristiligi olardy uzaq merzimdi basqarý tıimdiliginiń kórsetkishi bola almaıdy. Kiristilik deńgeıi qarjy quraldarynyń, valıýta baǵamdarynyń jáne kezeńnen kezeńge deıingi ózge de kórsetkishterdiń naryqtyq qunynyń qubylmalylyǵyna baılanysty ekenin atap ótý mańyzdy. Sondyqtan ınvestıtsııalyq kiristiń mólsherin obektıvti taldaýdy uzaq merzimdi kezeńge jasaǵan jón.
1998 jyly jınaqtaýshy zeınetaqy júıesi qurylǵan sátten bastap jınaqtalǵan ınvestıtsııalyq kiristilik 2026 jylǵy 1 maýsymdaǵy jaǵdaı boıynsha óspeli qorytyndymen búkil kezeńdegi 986,70% ınflıatsııa kezinde 1 095,39%.
2026 jylǵy 1 maýsymdaǵy jaǵdaı boıynsha 01.04.2014 jyldan bastap (zeınetaqy aktıvteri BJZQ-ǵa biriktirilgennen keıin) jınaqtalǵan, QRUB tapqan taza ınvestıtsııalyq kiris — 10,94 trln teńge. Onyń salymshylardyń (alýshylardyń) zeınetaqy jınaqtarynyń jalpy kólemindegi úlesi — júrgizilgen tólemder esebimen 41,2%, bul ınvestıtsııalyq qyzmettiń zeınetaqy jınaqtary qurylymyndaǵy mańyzdylyǵynyń aıǵaǵy.
Esterińizge sala keteıik, salymshylar zeınetaqy aktıvteriniń bir bóligin (mindetti zeınetaqy jarnalary esebinen zeınetaqy jınaqtarynyń 50%-na deıin jáne erikti zeınetaqy jarnalary esebinen zeınetaqy jınaqtarynyń 100%-na deıin) retteýshiniń talaptaryna sáıkes keletin jeke ınvestıtsııalyq portfeldi basqarýshyǵa basqarýǵa aýdarýǵa quqyly.
Bul rette salymshylar IPB jumys isteıtin úsh ınvestıtsııalyq portfeldiń birin tańdaı alady:
-
jasyna qaramastan barlyq salymshylarǵa sáıkes keletin Ki (12) portfeli. Ol boıynsha eń tómengi kiristilik deńgeıi sońǵy 12 aıda baǵalanady;
- Ki (36) portfeli, ol zeınetke shyqqanǵa deıin keminde 3 jyl qalǵandarǵa arnalǵan. Kiristiliktiń eń tómengi deńgeıi 36 aıdyń qorytyndysy boıynsha baǵalanady;
- uzaq merzimdi kókjıegi (zeınetkerlikke shyqqanǵa deıin 13 jyldan astam) bar salymshylarǵa arnalǵan Ki (60) portfeli. Eń tómengi kiristilik deńgeıi 60 aı ishinde anyqtalady.
Aıta ketelik zeınetaqy júıesiniń taǵy bir modeli pysyqtalyp jatqany týraly aıtqan edik.
