Qazaqstandyqtardyń 11,6% paıyzy ǵana tumaý vaktsınasyn alǵan

ASTANA. KAZINFORM – Elimizde ótken jylǵa qaraǵanda jedel respıratorlyq vırýstyq ınfektsııa (JRVI) men tumaýdy juqtyrý 20 paıyzǵa azaıǵan. Tolyǵyraq Densaýlyq saqtaý mınıstrligi sanıtarlyq-epedemıologııalyq baqylaý komıtetiniń tóraǵasy Sarhat Beısenova aıtyp berdi.

- Jedel respıratorlyq vırýstyq ınfektsııa (JRVI) men tumaý juqtyrý maýsymy jalǵasyp jatyr. Elimizde jyl saıyn epıdemıologııalyq maýsymda (qazannan sáýirge deıin) jedel respıratorlyq vırýstyq ınfektsııa juqtyrýdyń 4-5 mln jaǵdaıy jáne tumaýǵa shaldyǵýdyń 2 myńǵa deıin jaǵdaıy tirkeledi, - dedi Sarhat Beısenova ortalyq kommýnıkatsııalar qyzmeti alańynda ótken baspasóz máslıhatynda. 

Komıtet basshysynyń málimetinshe, elimizde JRVI men tumaý juqtyrý jaǵdaı byltyrǵa qaraǵanda 20%-ǵa tómendegen. 

- Epıdemııalyq maýsym bastalǵaly zerthanalyq turǵydan 1686 tumaýmen aýrý jaǵdaıy tirkeldi (A tumaýy (H1N1) – 92,5% (1559 jaǵd.), A(H3N2) – 0,9% (16 jaǵd.), V tumaýy – 6,6% (111 jaǵd.). Jalpy respýblıka boıynsha 2,3 mln adam tumaýǵa qarsy ekpe aldy, bul respýblıka halqynyń 11,6%-yn quraıdy, - deıdi ol. 

Buǵan deıin habarlaǵanymyzdaı, jyl basynan beri 51 adam koronavırýs juqtyrdy.

Aıta ketsek, elimizde qyzylsha juqtyrǵan balalardyń 83 paıyzy ekpe almaǵan.