Qazaqstandyqtardyń 112 mln teńgesin alǵan: ІІM qylmystyq topty ustady
Polıtsııa jumyspen qamtý jáne jyljymaıtyn múlik pen avtokólik salasyndaǵy alaıaqtyq úshin buryn ustalǵan alaıaqtar tobyna qatysty qylmystyq is qozǵady. Kazinform bul týraly Polisia.kz-ke silteme jasap habarlaıdy.
Mańǵystaý oblysy Polıtsııa departamentiniń uıymdasqan qylmysqa qarsy kúres basqarmasynyń qyzmetkerleri ótken jyly jedel-izdestirý is-sharalaryn júrgizý barysynda alaıaqtyq faktisin anyqtady.
Qaskóıler munaı kompanııalarynyń birine jumysqa ornalastyrý, sondaı-aq avtokólikter men jyljymaıtyn múlikti alyp-satý syltaýymen 112 mln teńgeden astam qarajatty ıemdengen.
«Búginde polıtsııaǵa respýblıkanyń ár óńirinen 20 adam aryzben júgindi. Ustalǵandardyń turǵylyqty jeri men jumys orny boıynsha tintý júrgizildi. Zattaı dáleldemeler tárkilendi. Qazirgi ýaqytta toptyń úsh múshesi qamaýda. Qajetti tergeý sharalary júrgizilip jatyr. Olar uıymdasqan qylmystyq topty quryp, ony basqardy jáne oǵan qatysty dep aıyptalýda. Tergeý múddesi úshin ózge málimetter jarııa etilmeıdi», – dedi QR ІІM uıymdasqan qylmysqa qarsy kúres departamentiniń ókili Qýandyq Alpys.
