Eldi sapaly aýyzsýmen qamtamasyz etý qarqyny sońǵy úsh jylda birneshe ese artty
ASTANA. KAZINFORM - Qazaqstanda Sý resýrstary jáne ırrıgatsııa mınıstrligi qurylǵaly beri halyqty sapaly aýyzsýmen qamtamasyz etý jumystarynyń qarqyny artty, dep habarlaıdy mınıstrliktiń baspasóz qyzmeti.
2021-2023 jyldar aralyǵynda Sý sharýashylyǵy komıteti toptyq sý qubyrlaryn salý jáne rekonstrýktsııalaý boıynsha 6 jobany aıaqtasa, 2024-2025 jyldary bul kórsetkish 18 jobaǵa jetti.
Nátıjesinde 317 eldi mekenniń sýmen jabdyqtalýy jaqsardy. Bul eldi mekenderde 713 myń adam turady. Onyń ishinde 71 aýyldyq eldi mekendegi 115 myń turǵyn alǵash ret ortalyqtandyrylǵan sý júıesine qosylý múmkindigine ıe boldy.
-Mınıstrlik qurylǵannan keıin toptyq sý qubyrlaryn salý jáne rekonstrýktsııalaý, sondaı-aq eldi mekenderdi aýyzsýmen qamtamasyz etý salasyndaǵy máselelerdi sheshý jumystary aıtarlyqtaı jedeldetildi. Bul baǵyttaǵy jumystar jalǵasyp jatyr. Qazirgi ýaqytta 145 eldi mekendi nemese 457,7 myń adamdy qamtıtyn 14 joba júzege asyrylyp jatyr, - dedi Sý resýrstary jáne ırrıgatsııa vıtse-mınıstri Jandos Sálimov.
Osyǵan deıin Qazaqstannyń jahandyq sý basqarý júıesin jetildirýdi usynǵany týraly jazdyq.
