Qazaqstandyqtardy Grýzııaǵa kirgizbeı jatyr ma – SІM jaýaby
ASTANA. KAZINFORM – QR Syrtqy ister mınıstrligi qazaqstandyqtardy Grýzııaǵa kirgizbeı, bas tartyp jatqan jaıtqa qatysty túsinik berdi.
- Árbir eldiń óz aýmaǵyna shetel azamattarynyń kirýin shekteýge quqyǵy bar, dál sol sııaqty Qazaqstan da shetel azamattaryna qatysty mundaı shekteýler engize alady. Biz Grýzııamen tyǵyz baılanystamyz. Bul másele kóterilgennen keıin birden Grýzııaǵa kire almaı jatqan qazaqstandyq azamattarǵa bas tartý jaǵdaıy azaıdy, - dedi Syrtqy ister mınıstriniń orynbasary Álibek Qýantyrov Májilis qabyrǵasynda BAQ ókilderiniń saýalyna jaýap bere turyp.
Birneshe kún buryn elimizdiń Syrtqy ister mınıstrligi Qazaqstan azamattarynyń Grýzııadan deportatsııalanýyna qatysty jaǵdaıǵa alańdaýshylyq tanytyp, atalǵan jaıtqa túsinik bergen edi.
Artynsha Grýzııa qazaqstandyqtarǵa bilim grantyn bóldi.
Aıta keteıik, Qazaqstan Grýzııaǵa týrısteri jıi saparlaıtyn úzdik 10 eldiń qataryna kirdi.