Qazaqstandyqtardy 56 mln teńge qaryzǵa batyrǵan shymkenttik boıjetken 4,5 jylǵa sottaldy

34 jastaǵy shymkenttik turǵynǵa aldanǵandardyń kópshiligi Jambyl men Túrkistan oblysynyń jáne Shymkent qalasynyń turǵandary, dep habarlaıdy, Kazinform.

Jalpy ol 53 adamdy 56 mln teńge qaryzǵa batyrǵan.

Kúdikti jábirlenýshilerdi elektronıka dúkeninen taýarlyq nesıe alýǵa kóndirgen. Tipti, qaryzdy tólemeýge bolatynyn aıtyp, bul saýda núkteleri jaqyn arada jumysyn toqtatyp, tolyǵymen jabylady dep sendirgen. Sodan nesıege rásimdelgen elektronıkany jarty somasyna satyp alyp otyrǵan.

Kópshilik alaıaqqa aldanǵanyn aı saıynǵy tólem týraly eskertý-habarlama túsken kezde bir-aq bilgen.

«Atalǵan jaıt boıynsha polıtseıler qylmystyq kodekstiń 190-babymen sotqa deıingi tergeý júrgizdi. Ustalǵan azamatshanyń kinásin dáleldeıtin aıǵaqtardy jınap, tergeýshiler qylmystyq isti sotqa jiberdi. Sot úkimimen sottalýshyǵa 4,5 jylǵa bas bostandyǵynan aıyrý jazasy taǵaıyndaldy», - delingen Shymkent qalasy polıtsııa departamentiniń baspasóz qyzmeti taratqan aqparatta.