Qazaqstandyqtar jumys isteýge kóbine qaı elderge barady
ASTANA. KAZINFORM – Qazaqstan shetelde jumys isteıtin azamattardyń quqyǵyn qorǵaý maqsatynda birqatar elmen eńbek kelisimin jasaý baǵytynda jumys istep jatyr.
- Bıyl 9 aıdyń qorytyndysy boıynsha shetelde 156,7 myń otandasymyz jumys istep júr. Qazaqstandyqtardyń basym bóligi Reseı Federatsııasynda – 128,8 myń adam, Koreıa Respýblıkasynda – 15,2 myń adam, Polshada – 2,6 myń adam, al Ulybrıtanııada – 1,4 myń adam eńbek etedi.
Shetelde jumys isteıtin azamattardyń quqyǵyn qorǵaý maqsatynda ótken jyly Qazaqstan men Qatar úkimeti arasynda eńbek etý týraly kelisimge qol qoıyldy, - dedi Eńbek jáne halyqty áleýmettik qorǵaý birinshi vıtse-mınıstri Asqarbek Ertaev ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq mınıstrdiń birinshi orynbasary jyl basynda Ulybrıtanııamen eńbek kóshi-qon salasyndaǵy yntymaqtastyq týraly ózara memorandýmy jasalǵanyn málim etti.
- Qazir Ońtústik Koreıa, Saýd Arabııasy, BAÁ, Slovakııa, Japonııa, Shvetsııa, Italııa, Norvegııa, Polsha, Chehııa, Rýmynııa jáne Fınlıandııamen memorandýmǵa kelý jumysy júrgizilip jatyr, - dep tolyqtyrdy spıker.
Buǵan deıin elimizde kóshi-qon aǵynyn taldaý ortalyǵy qurylatyny týraly habarlaǵan edik.
Sondaı-aq osy aıda arnaıy operatsııa kezinde elordada zańsyz kóshi-qon arnasy áshkerelendi.