Qazaqstandyqtar jeke kýálikti onlaın aýystyra alady
ASTANA. KAZINFORM — Endi qazaqstandyqtar jeke kýálikti onlaın formatta rásimdeı alady.
Іshki ister mınıstrligi men Tsıfrlyq damý, ınnovatsııalar jáne aeroǵarysh ónerkásibi mınıstrliginiń birlesip ázirlegen qujat jobasy «Ashyq NQA» portalynda jarııalandy.
Jańashyldyq qazaqstandyqtarǵa tólqujat pen jeke kýálikti elektrondyq úkimet portaly men mobıldi qosymshalar arqyly aýystyrýǵa múmkindik beredi.
— Jobanyń maqsaty — «Qazaqstan Respýblıkasy azamattaryna tólqujattar men jeke kýálikter berý» memlekettik qyzmetin qoldanystaǵy tártipke balama retinde onlaın formatqa kóshirý. Bul pılottyq joba retinde 2026 jyldyń 1 naýryzyna deıin júzege asyrylady, — delingen túsindirme jazbada.
Atalǵan qujat jobasy 19 naýryzǵa deıin qoǵamdyq talqylaýǵa usynylyp otyr.
Aıta ketsek, elimizde bıyl 1 qańtardan bastap tólqujat pen jeke kýálik jasatý quny ósti.
Sondaı-aq jyl basynda halyqqa qyzmet kórsetý ortalyqtary pasport pen jeke kýálikti termınal arqyly bere bastaıtyny týraly jazǵan bolatynbyz.