Qazaqstandyqtar jeke kýálikti onlaın aýystyra alady

ASTANA. KAZINFORM — Qazaqstanda taǵy bir memlekettik qyzmetti onlaın formatta alý múmkindigi týyndady.

Jańa qyzmet týraly Іshki ister mınıstrligi men Tsıfrlyq damý, ınnovatsııalar jáne aeroǵarysh ónerkásibi mınıstrligi tıisti birlesken buıryqty jarııalady. 

Buıryqta memlekettik qyzmet kórsetýdiń tıimdiligin arttyrý maqsatynda pılottyq joba iske qosylatyny aıtylǵan, ıaǵnı jeke kýálikterdi onlaın formatta rásimdeý múmkindigi. 

Jeke kýálikti onlaın qalaı rásimdeýge bolady:

— Jańa qujatty elektrondyq úkimet portalynda nemese eGov Mobile qosymshasynda rásimdeýge bolady, eger jeke kýáligińizdiń jaramdylyq merzimi aıaqtalǵan bolsa;
— Jeke kýálikti rásimdeý úshin elektrondyq úkimet portalynda nemese eGov Mobile qosymshasynda ótinim toltyryp, ony ETsQ (elektrondy tsıfrlyq qoltańba) kómegimen qol qoıý qajet;
— Kórsetilgen formatqa saı foto túsirip, ótinimge tirkeý kerek;
— Ýákiletti organ ótinimdi tekseredi, ıaǵnı tirkelgen mekenjaıdy, jeke kýáliktiń merzimin jáne tirkelgen fotony;
— Eger tekseris sátti ótse, memlekettik baj salyǵyn tóleý qajet;
— Qyzmet kórsetý nátıjesi boıynsha habarlama jiberiledi;
— Daıyn jeke kýálikti Halyqqa qyzmet kórsetý ortalyǵynan alady.

Qos mınıstrliktiń birlesken buıryǵy 28 mamyrda kúshine endi jáne 2026 jylǵy 31 naýryzǵa deıin qoldanysta bolady. 

Buǵan deıin jeke kýálikti aýystyrý tolyǵymen onlaın formatqa kóshiriletini týraly jazǵan edik.