Qazaqstandyqtar jańa úlgidegi jeke kýálikterdi ala bastady
ASTANA. KAZINFORM – Jańa úlgidegi qujatta jeke kýálik ıesiniń azamattyǵy men jynysy týraly derekter kórsetiledi. Buryn bul málimetter jeke kýálikke salynǵan chıpte bolatyn.
Jeke kýáliktiń jańa dızaıny bıýdjetten shyǵyn talap etpeıdi jáne azamattardyń jańa qujattardy shyǵarý úshin tóleıtin memlekettik baj mólsherine áser etpeıtinin atap ótken jón. (2024 jyly memlekettik baj mólsheri - 738,4 teńge).
Jaramdylyq merzimi aıaqtalmaǵan jeke kýálikter budan ári de jaramdy bolyp tabylady.
Qazaqstandyqtar jańa dızaındy jeke kýálikterdi tek qujatynyń merzimi aıaqtalǵan kezde nemese olardy basqa da sebeptermen aýystyrýy kerek bolǵan kezde ala alady. ıAǵnı, bir mezgilde jappaı qujat aýystyrý bolmaıtynyn eske salǵan jón.
Esterińizge salsaq, buǵan deıin Іshki ister mınıstrligi jeke kýáliktiń úlgisin ózgertýdi kózdeıtin normatıvtik qujattyń jobasyn ashyq talqylaýǵa shyǵarǵan bolatyn.
