Qazaqstandyqtar zeınetaqy qorynan 449,9 mlrd teńge jınaǵyn sheship aldy

ASTANA. KAZINFORM — Ulttyq bank tóraǵasy Tımýr Súleımenov zeınetaqy qory aktıvteri men teńge baǵamyna qatysty túsinik berdi.

— Jyl basynan beri Biryńǵaı jınaqtaýshy zeınetaqy qorynyń zeınetaqy aktıvteri 23,5 trln teńgege nemese 4,7 paıyzǵa ulǵaıdy. Sondaı-aq bıyl alty aıda ınvestıtsııalyq tabys kólemi 371 mlrd teńgege jetti, al zeınetaqy jarnalary 1,4 trln teńgeni qurady. Al qarajatty merziminen buryn alý somasy 449,9 mlrd teńge boldy, — dedi Tımýr Súleımenov Úkimet otyrysynda.

Odan ári Ulttyq bank tóraǵasy teńge baǵamyna toqtaldy.

— Jyl basynan beri teńgeniń baǵamy bir dollar úshin 519,73 teńgege deıin 1, %-ke nyǵaıdy (2025 jylǵy 30 maýsymda). Syrtqy faktorlar jaǵynan álemdik saýda geosaıası jaǵdaıǵa baılanysty naryqtaǵy qubylmalylyq jáne Reseı rýbliniń nyǵaıýy baıqalady. Sonymen qatar, munaı baǵasy shamamen bir barrel úshin $70 dollar deńgeıinde qalyptasty. Al ishki faktorlarǵa kelsek, jyl basynda ımporttyq satyp alý qysqardy jáne eksporttaýshylardyń salyq tólemi esebinen valıýta usynysynyń ulǵaıýy ulttyq valıýtany qoldaýǵa áser etti, — dep túsindirdi tóraǵa teńge taǵdyryn.

Buǵan deıin habarlaǵanymyzdaı, bıyl alty aıda Ulttyq qor 4,7 mlrd dollar ınvestıtsııalyq tabyspen tolyqty.