Qazaqstandyqtar «Vıfa» taıfýnyna qaramastan Vetnamǵa sapar shegip jatyr

ASTANA. KAZINFORM – Qazir bul elde 8 myńǵa jýyq otandasymyz júr, dep habarlaıdy Kazinform.

Bul elde qolaısyz aýa raıynan ǵımarattarǵa zaqym kelip, turǵyndar zardap shegip, adam ólimi tirkelgen. Soltústiktegi áýejaılar jabylyp, 100-den astam reıs, sonyń ishinde ishki reıster de toqtatyldy. 

Vetnam premer-mınıstri Fam Mın Trınh qaýipti aımaqtardan halyqty shuǵyl evakýatsııalaýdy, júk tasymaldaýdy toqtatýdy jáne mańyzdy ınfraqurylymdy qorǵaýdy tapsyrdy. 

Qazaqstandyq týrısterdiń málimetinshe, tanymal Fý-Kýok, Nha-Chang jáne Danang kýrorttary ornalasqan eldiń ońtústiginde jaǵdaı tynysh. 

– Ońtústiktegi qalalarda demalyp jatqandarǵa qaýip tóngen joq. Aýa-raıy ózgerse de, jaǵdaı birqalypty. Bılik mundaı jaǵdaılarǵa tyńǵylyqty daıyndalǵan. Biraq soltústikte týrısterge teńizge shyǵýǵa tyıym salyndy, - deıdi Danııar Nurseıitov. 

Qazir Vetnamda 8 myńǵa jýyq qazaqstandyq týrıst bar ekeni habarlandy. Taıfýn soltústikte taǵy 2-3 kún saqtalady dep kútilip otyr. 

Osyǵan deıin Prezıdent Vetnamda bolǵan «Vıfa» taıfýnynan kóptegen adamnyń qaza tapqany jáne zardap shekkeni týraly habardy tereń kúızelispen qabyldaǵanyn, Vetnam Kommýnıstik Partııasy Ortalyq komıtetiniń Bas hatshysyna kóńil aıtqanyn jazǵan bolatynbyz.